|
Neynikên renge reng
Elwan Şivan
Neynikên di qirêjiyê û zingariyê de hewldanan
didin
û tevnepîrên di quncikên zindanan
Li xemla evîneke bê hêvî xwe berdide
Devsistiya tirsê ku meyzandinan gunihkar dike
Ji nakokiyên bihişt û dojihê
Di evîniya perî û melayketan de
Di zingarîyê de winda û sitewra
Neynikên dîn
Rî û simbêlê gijolî
Mîna darbistanên bê rê
Devê bê doxîn ji gotina xirek û sist e
Teredîniya li sîka tava heyvê pez dike
û li hember neynikan bi xwera ken dikê
Neynikên bi sehû
Şanoya movikên tiliya
û tizbihên sed libî
Axwir û kavilên bi sehû
Di dengvedana
peyvên pêxember û sihabiya
Di dosa nama xwedayî
û ristên pirtûkên pîroz
Ku di leystikvaniyê de neynik bi xwe şano ye
Neynikên ocax
Qehfikên şemitandî li keviya
Merqed û ziyartan
Ku her di şemtên
Moralên gêj di fetil û qevzê
Bi hijmar
Bû sih û şeş
Xeyal di govenda xema şînê dike
Li neynikan direqse
Li cavan lêlan e
Neynikên kole
Peyalên ji aravên zimanekî jehir kirî
Tê de ser xweş dibin
Nivişt û berbejnên li sitû
Kavlê sipî û bizûzkana
û laşê gurî
Ji gurîbûna neynikên dîrok û demê
û di koletiyê de xelmaşî xewnên axretî dibin
û tirs tê guvaştin ji xwihdana xewnan dinyayî
Neynikên civakî
Kefenê mirinê û tevnepîr
Li civatên xalî
Di şûn de man
û civak di heys û beysê de
Tert û bela bû....
|
