|
H.R.R.K
The West Kurdistan Intellectuals Union
Hevgirtina Rewşenbîrên Rojavayê Kurdistanê
Hêja Hoşeng Osê
Hêja Hoşeng Broka
Kongireya sêyemîn a Hevgirtina Rewşenbîrên
Rojavayê Kurdistanê (HRRK), bi şahnazî helwestên
rêzgir û rewşenbîrane yên nivîskarên Kurd Hoşeng
Osê û Hoşeng Broka li qelem dide.
Her wisa wan mîna du nivîskarên ku ji boyî
weşana internêtî dikarin nimûneyên taybetmend û
balkêş bin, destnîşan dike.
Li radeya du salên bûrî, herdû nivîskaran, bi
şêwazekî çalak û sistematîk û berdewam di
malpera rojava.net de dinivîsandin, di nivîsên
xwe de, berî her tiştî, rêza pênûsa xwe digirtin
û bi helwestên berpirsyarane yên ku hêjayî
gotara rewşenbîran bin, nêzî bûyer, rûdan û
rewşa nasname û welat û neteweya xwe bûne. Di
nivîsên wan de, nirx û çemkên mirovane û
geşkirina hizrên netewî serdest bûn, her wisa
mirov dikare bibîne ku çawan bêyî kîn, zikreşî,
cihêwazî, bêbextî û xwexapandin, nêzî avakirina
dîmena rewşenbîrî dibûn.
Ji ber van sedeman, kongireya me, Hoşeng Osê û
Hoşeng Broka bi awayekî giyanî xelat dike û
spasiyên xwe yên germ û dilsojane pêşkêşî wan
dike, bi hêviya ku nimûneyên mîna wan, roj li
pey rojê, di cihan û dîmena nivîsandin û
rewşenbîriya kurdî de pirtir bibin.
Kongireya sêyemîn a
Hevgirtina Rewşenbîrên Rojavayê Kurdistanê(HRRK)
30. 04. 2007
|
